Konturatzerako elkarrekin...

Beste askori gertatu bezala, Koronabirusaren krisiak hankaz gora ipini dio urte osorako plangintza Berlingo Euskal Etxeari. Neurri bereziekin, Gernikako bonbardaketak oroipen ekitaldia burutu ahal izan zen. Baina kulturarekin lotutako deialdiak (Gorpuzkingz-en emanaldiak, besteak beste) atzeratzea egokitu da.

Zinemaldia azaroaren 12etik 15ra ospatuko du aurten Euskal Etxeak, eta ondo bidean, udazkenean beste ekitaldi batzuk berreskuratzeko ere parada izango da. Hemen iragarriko dira guztiak, garaiz. Proposamenenen bat helarazi edo Berlingo Euskal Etxeko kide bihurtzeko, gurekin harremanetan ipini besterik ez duzu.